‘ए’ डिभिजन लिगको खेल तालिका आज सार्वजनिक हुँदै

काठमाडौं । सहिद स्मारक ‘ए’ डिभिजन लिग फुटबल प्रतियोगिताको खेल तालिका आज सार्वजनिक हुँदैछ ।अखिल नेपाल फुटबल संघ एन्फाको कम्प्लेक्समा आयोजना हुने टाइसिट ‘ड्र’ कार्यक्रम दिउँसो ३ बजे शुरु हुनेछ ।

यस अघि माघ २ गते खेल तालिका सार्वजनिक गर्ने तय थियो । तर, पोखरामा आइतबार भएको यति एयरलाइन्सको विमान दुर्घटनापछि सरकारले सोमबार शोक विदा दिएको कारण एन्फाले खेल तालिका सार्वजनिक कार्यक्रम स्थगित गरेको थियो ।

लिग फागुन १९ गतेबाट शुरु हुनेछ ।