काठमाडौं । संवैधानिक परिषद्को बैठक आज बस्दैछ ।
प्रधानन्यायाधीश नियुक्तिको सिफारिस गर्न आज संवैधानिक परिषदको बैठक सिंहदरबारस्थित प्रधानमन्त्री कार्यालयमा बैठक बस्दैछ ।
बैठकले नयाँ प्रधानन्यायधीशका लागि न्याय परिषद्ले पठाएको नाममा छलफल गर्दै नियुक्तिका लागि सिफारिस गर्नेछ । संबैधानिक व्यवस्थाअनुसार संबैधानिक परिषद्बाट सिफारिस भएको व्यक्ति संसदीय सुनुवाई समितिबाट अनुमोदन भएपछि राष्ट्रपतिबाट नियुक्ति हुनेछ ।
प्रधानन्यायाधीश ओमप्रकाश मिश्रले उमेर हदका कारण आगामी पुष १७ गतेबाट अवकास पाउने भएकाले त्यसअघि नै प्रधानन्यायाधीश नियुक्तिको प्रक्रिया पूरा गर्न परिषद्को बैठक बोलाइएको हो ।
शनिबार बस्ने भनिएको संवैधानिक परिषद्को बैठक स्थगित भएको थियो ।
प्रधानन्यायाधीशका लागि चोलेन्द्र शम्शेरण राणा र दिपक राज जोशीमध्ये एकलाई परिषद्ले सिफारिस गर्नुपर्नेछ ।
जोशीलाई संवैधानिक परिषद्ले सिफारिस गरेपनि संसदीय सुनुवाई समितिले अनुमोदन गरेको थिएन । जोशीका शैक्षिक प्रमाणपत्रका विषयमा विवाद देखिएपछि उनको अनुमोदन भएको थिएन ।
यो खबर पढेर तपाईलाई कस्तो महसुस भयो ?
प्रतिक्रिया