सिरी ‘ए’ : सहज जितसँगै नापोलीलाई १२ अंकको अग्रता

काठमाडौं । इटालियन सिरी ‘ए’ फुटबलमा नापोलीले सहज जित हात पारेको छ । शनिबार राति भएको खेलमा नापोलीले सालेरनिटानालाई २-० गोल अन्तरले पराजित गरेको हो ।

नापोलीको जितमा जियोभानी डी लोरेन्जो र भिक्टर ओसीम्हेनले एक एक गोल गरे । जितसँगै नापोलीले शीर्ष स्थानमा १२ अंकको अग्रता बनाएको छ । नापोलीले १९ खेलमा ५० अंक जोडेको छ ।

सालेरनिटाना १८ अंक जोडेर १६ औं स्थानमा रहेको छ ।