बार्सिलोनासँग जिरोना पराजित

काठमाडौं । स्पेनिस ला लिगा अन्तर्गत भएको फुटबल खेलमा बार्सिलोना विजयी भएको छ । शनिबार राति भएको खेलमा बार्सिलोनाले जिरोनालाई १-० गोल अन्तरले पराजित गरेको हो ।

खेलको ६१ औं मिनेटमा बार्सिलोनाका लागि पेड्रीले गोल गरेका थिए । जितसँगै बार्सिलोनाले १८ खेलमा ४७ अंक जोडेको छ । बार्सिलोना दोस्रो स्थानको रियल मड्रिड भन्दा ६ अंकले अघि रहेको छ ।

जिरोना २१ अंक जोडेर तालिकाको १२ औं स्थानमा रहेको छ ।