इरानको सैन्य प्लान्टमा विष्फोट

काठमाडाैं । इरानको एउटा सैनिक इलाकामा विस्फोट भएको छ । इस्फहान शहरमा रहेको सेनाको हतियार निर्माण गर्ने एउटा केन्द्रमा विस्फोट भएको इरानी सञ्चार माध्यमहरुले जनाएका छन् ।

इरानी राज्य प्रसारक आईआरआईबीले आइतबार बिहान आफ्नो वेबसाइटमा यो जानकारी पनि दिएको छ ।

आईआरआईबीले थप विवरण नदिई रक्षा मन्त्रालयको गोलाबारुद निर्माण केन्द्रमा विस्फोट भएको र त्यहाँ कुनै हताहत नभएको इस्फाहान गभर्नोरेटका राजनीतिक र सुरक्षा उपप्रमुखले घोषणा गरेको बताएको छ।