च्यासल युथ क्लबको रोचक जित , ब्वाइज क्लब २–०ले पराजित

काठमाडौं । च्यासल युथ क्लबले पल्सर सहिद स्मारक ए डिभिजन लिगमा शनिबार रोचक जित हात पारेको छ ।

हल्चोकस्थित शसस्त्र प्रहरी बलको मैदानमा भएको खेलमा च्यासलले ब्रिगेड ब्वाइज क्लबलाई २–० गोलले हरायो ।

च्यासलको जितमा सन्तबहादुर गुरुङले ६५औं मिनेटमा हेड गोल गरेका थिए । सन्जोक राईले ८२औं मिनेटमा गोल गर्दै टोलीको अग्रता दोब्बर बनाए । उनले सन्तोस साहुखलको पासमा गोल गरेका थिए ।

पहिलो हाफमा गोलरहित बराबरीमा रोकिएको च्यासलले दोस्रो हाफमा शसक्त प्रदर्शन गरेको थियो ।