तीन प्रहरी उपरिक्षकको सरुवा

प्रहरी प्रधान कार्यालयले तीनजना प्रहरी उपरिक्षक (एसपी) को काज सरुवा गरेको छ ।

प्रहरी प्रधान कार्यालयले दिएको जानकारी अनुसार नुवाकोटको प्रहरी प्रमुखमा कृष्ण बहादुर पल्लीमगरलाई पठाइएको छ । पल्लिमगर यसअघि सम्पत्ति शुद्धिकरण अनुसन्धान विभागमा कार्यरत थिए ।

नुवाकोटका एसपी बसन्त कुँवरलाई महानगरीय प्रहरी कार्यालयमा सरुवा गरिएको छ । त्यस्तै महानगरीय प्रहरी कार्यालयमा कार्यरत रविन्द्र केसीलाई सम्पत्ति शुद्धिकरण अनुसन्धान विभागमा काज सरुवा गरिएको प्रहरी प्रधान कार्यालयले जनाएको छ ।