रोनाल्डोको ४ गोलमा अल नसरको शानदार जित

काठमाडौं । साउदी प्रो लिग फुटबलमा अल नसरले शानदार जित हात पारेको छ । बिहीबार राति भएको खेलमा नसरले अल वेह्दालाई ४-० गोल अन्तरले पराजित गरेको हो ।

अल नसरको जितमा क्रिस्टियानो रोनाल्डो एक्लैले ४ गोल गरे । खेलको २१ औं मिनेटमा रोनाल्डोले गोल गर्दै टोलीलाई सुरुआती अग्रता दिलाएका थिए । खेलको ४० औं मिनेटमा रोनाल्डोले व्यक्तिगत दोस्रो गोल गरे ।

खेलको ५३ औं मिनेटमा रोनाल्डोले पेनाल्टीबाट गोल गर्दै ह्याट्रिक गरे । त्यसपछि खेलको ६१ औं मिनेटमा रोनाल्डोले व्यक्तिगत चौंथो गोल गर्दै नसरलाई शानदार जित दिलाए ।

रोनाल्डोले लिगमा ५ सय गोल पूरा गरेका छन् ।

जितसँगै नसरले १६ खेलमा ३७ अंक जोड्दै शीर्ष स्थानमा उक्लिएको छ । वेह्दा १५ अंक जोडेर १३ औं स्थानमा रहेको छ ।