काठमाडौं । धनगढी प्रिमियर लिग ‘डिपिएल’को तेस्रो संस्करणका लागि खेलाडी दर्ताको आवेदन खुला भएको छ ।
आवेदन बुधवारदेखि यही पुस १० गतेभित्र भर्नुपर्ने आयोजकले जनाएको छ । यो संस्करणमा सम्पूर्ण खेलाडीलाई एकै वर्गमा समावेश गरिएको छ । खेलाडीले फर्म भर्दा न्यूनतम ३० हजारदेखि अधिकतम दुई लाख ५० हजारसम्म आफ्नो मूल्य निर्धारण गर्न सक्नेछन् ।
डिपिएलको आधिकारिक वेबसाइटबाट पनि फर्म भर्न सकिने छ । फर्म शुल्क डिपिएलकै वेबसाइटमा दिइएको इ-सेवाको लिङ्कमार्फत भुक्तानी गर्नुपर्नेछ । फर्मको शुल्क एक हजार तोकिएको छ ।
६ टोलीको सहभागिता रहने डिपिएल आगामी माघ १९ गतेदेखि फागुन ४ गतेसम्म धनगढीको फाप्ला अन्तर्राष्ट्रिय क्रिकेट मैदानमा हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया