सिटीको जितमा एस्टन भिल्ला स्तब्ध

काठमाडौं । इंग्लिस प्रिमियर लिग फुटबलमा म्यानचेस्टर सिटीले सहज जित हात पारेको छ । आइतबार राति भएको खेलमा सिटीले एस्टन भिल्लालाई ३-१ गोल अन्तरले पराजित गरेको हो ।

खेलको चौंथो मिनेटमा रोड्रीले गोल गर्दै सिटीलाई सुरुवाती अग्रता दिलाएका थिए । त्यसपछि खेलको ३९ औं मिनेटमा इल्के गुन्डोगानले गोल गर्दै सिटीको अग्रतालाई दोब्बर बनाए ।

पहिलो हाफको इन्जुरी समयमा रियाद महरेजले पेनाल्टीमा गोल गर्दा सिटीले ३-० गोलको अग्रता बनाएको छ । खेलको ६१ औं मिनेटमा एस्टनका ओली वाट्किन्सले गोल गरेपनि खेलमा फर्कन भने सकेन ।

जितसँगै सिटी २२ खेलमा ४८ अंक जोड्दै दोस्रो स्थानमा उक्लिएको छ । एस्टन २८ अंक जोडेर ११ औं स्थानमा रहेको छ ।