एकदिवसीय अन्तराष्ट्रियमा कुशल भुर्तेलको शतक पूरा

काठमाडौं । नेपाली क्रिकेट टिमका ओपनर कुशल भुर्तेलले शतक पूरा गरेका छन् । आईसीसी विश्वकप क्रिकेट लिग–२ अन्तर्गत त्रिदेशीय सिरिजमा नामिबियाविरुद्धको खेलमा भुर्तेलले शतक पूरा गरेका हुन् ।

कुशलले ९९ बलमा ९ चौका र ४ छक्काको सहयोगमा शतक प्रहार गरेका हुन् । कुशलको यो एकदिवसीय अन्तराष्ट्रियमा पहिलो शतक हो ।

टी-ट्वान्टी अन्तराष्ट्रिय तथा एकदिवसीय अन्तराष्ट्रियमा शतक बनाउने भुर्तेल तेस्रो नेपाली खेलाडी हुन् । हाल नेपाल र नामिबियाबीचको खेल जारी रहेको छ ।