क्रिकेटर सागर ७ महिना मैदान बाहिर रहने

काठमाडौं । नेपाली क्रिकेटर सागर पुन ७ महिना मैदान बाहिर रहने भएका छन् । 

नेपाली राष्ट्रिय क्रिकेटर पुनको खुट्टामा चोट लागेपछि शल्यक्रिया गरिएको छ । जसका कारण उनी ६ देखि ७ महिना मैदान बाहिर रहने बताइएको छ । जारी एभरेष्ट प्रिमियर लिग ‘इपिएल’का दौरान उनको दाहिने खुट्टाको एंकलमा चोट लागेको थियो ।

नेपालको उमेर समुहको क्रिकेटबाट राष्ट्रिय टिममा पुगेका अलराउन्डर पुनले काठमाडौं किंग्सबाट ‘इपिएल’ क्रिकेट खेलेका थिए ।

ललितपुरविरुद्धको पहिलो क्वालिफायर्समा बलिङ गर्ने क्रममा पुन घाइते भएका थिए । उनले संयुक्त अरब इमिरेट्स ‘युएई’विरुद्धको एक दिवसीय र टि-ट्वान्टी क्रिकेट सिरीज गुमाउने छन् ।