काठमाडौं । गायक खुमन अधिकारी र गायिका सुशिला गौतमको स्वरमा सजिएको ‘घन्काउँदै बाजा’ बोलको गीत सार्वजनिक भएको छ । शुक्रबार सुशिला गौतम युट्युब च्यानलमार्फत उक्त गीतलाई दर्शकसामू ल्याइएको हो ।
आफैंले कोरेकाे शब्दमा गायिका गौतमले नै कर्णप्रिय संगीत भरेकी हुन् । कृष्ण बिःक भाञ्जाले आफ्नो प्रतिभा यो गीतको संगीत संयोजनमा पाखेका छन् । श्यामश्वेत रसाइलीले यो गीतको मिक्सिङ/मास्टरिङमा आफ्नो कला देखाएका छन् ।
एक प्रेमील जोडीको प्रसंगलाई पञ्चेबाजामा उजागर गरिएको यस गीतमा जोडिएको टिमले परिणाममुखी काम गरेको छ । गीतको भिडियोमा गायिका गौतम र गायक अधिकारीसँगै मोडल रीना थापा, अभिषेक खड्का, कमला गौतम, तेजनारायण पौडेल, कमला न्यौपाने लगायतको अभिनय रहेको छ ।
भिडियोलाई दुर्गा पौडेलले निर्देशन र छायाँकन गरेका हुन् भने नविन घर्ती मगरको सम्पादन रहेको छ । लामो समयदेखि सांगीतिक क्षेत्रमा सक्रिय गौतमले यसअघि ‘माइतीको माया,’ ‘तल सेतीबेनी माथि हिले शिर’ बोलको पञ्चेबाजा गीत सार्वजनिक गरेकी थिइन् । यो सँगै पाहुना, रातो भाले, गफ लायो सोल्टीले लगायतका
लोकदोहोरी गीत सुशिलाकै नाममा छन् । त्यस्तै, जवानीले मलाई छुनुमुनु बनायो, लेउ लायो, रातो भाले, भुइँ छोडेकी चरीले लगायतका तीज गीतमा समेत उनको स्वर सुन्न सकिन्छ ।
भिडियाे :
यो खबर पढेर तपाईलाई कस्तो महसुस भयो ?
प्रतिक्रिया