काठमाडौं । जारी शहिद स्मारक ‘ए’ डिभिजन लिग फुटबल अन्तर्गत आज दुई खेल हुँदैछ ।
आज हुने दशौं चरणको अन्तिम खेलमा विभागिय टिम शसस्त्र प्रहरीको ‘एपिएफ’ र त्रिभुवन आर्मी क्लब तथा नेपाल पुलिस र मनाङ मस्याङदी क्लबबीच खेल हुँदैछ । दुवै खेल सातदोबाटोस्थित एन्फा कम्प्लेक्सको मैदानमा हुनेछ ।
आज हुने एपिएफ र आर्मी क्लबबीचको खेल ११ बजेपछि शुरु हुनेछ । उपाधि होडबाट बाहिरिसकेको आर्मी क्लब एपिएफलाई हराउने मनोस्थितीका साथ मैदानमा उत्रदैछ । आर्मी क्लब १८ अंका साथ लिगको चौथो स्थानमा छ भने एपिएफ १३ अंकका साथ आठौं स्थानमा छ ।
त्यस्तै आजै हुने अर्को खेलमा नेपाल पुलिस क्लबले उपाधि होडमा रहेको मनाङ मस्याङदी क्लबको सामना गर्दैछ ।
जारी लिगमा शत प्रतिशत नतिजा निकालेको मनाङ पुलिस क्लबलाई हराउँदै अपराजित यात्रालाई कामयै राख्ने दाउमा रहेको छ । २७ अंक बनाएको मनाङ मस्याङदी लिगको शीर्ष स्थानमा छ । १५ अंक बनाएको पुलिस पाँचौ स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया