एजेन्सी । फ्रान्सेली लिग वान फुटबलमा पेरिस सेन्ट जर्मेन ‘पिएसजी’ले विजयी भएको छ ।
शनिवार राति सम्पन्न भएको खेलमा पिएसजीले नन्टलाई १-० गोल अन्तरले पराजित गर्दै आफ्नो अपराजित यात्रालाई कायमै राखेको हो । प्रतिस्पर्धात्मक खेलको पहिलो हाफसम्म दुवै क्लब गोलरहित बराबरीमा रोकिएका थिए ।
पिएसजीका लागि केलियन एमबाप्पेले गरेको एक मात्र गोल नै निर्णायक बनेको थियो । उनलको खेलको ६८ औँ मिनेटमा गोल गरेकार थिए । जारी लिगमा एमबाप्पेले १३ गोल समेत गर्न सफल भएका छन् ।
जितपछि उपाधि होडमा रहेको पिएसजीले १३ अंकको दुरी बनाएको छ । पिएसजीले तालिकामा ४७ अंक बनाएको छ । लिगको दोस्रो स्थानमा रहेको लिलेको ३४ अंक छ ।
त्यस्तै शनिवार राति नै भएको अर्को खेलमा लिगले टौलोससँग २-१ गोल अन्तरले पराजित भयो । यता लियोन र मोन्टपिलरबीचको खेल भने एक-एक गोलको बराबरीमा सकिएको छ ।
यो खबर पढेर तपाईलाई कस्तो महसुस भयो ?
प्रतिक्रिया