काठमाडौं ।अस्ट्रेलियामा एक्पर्ट क्रिकेट महोत्सव हुने भएको छ ।
एक्स्पर्ट एजुकेसन एण्ड भिषा सर्भिसले नेपालको क्रिकेट विकास र विस्तारलाई सहयोग पु-याउन अस्ट्रेलियाको विभिन्न सहरमा क्रिकेट महोत्सव गर्न लागेको सोमवार काठमाडौंमा पत्रकार सम्मेलनको आयोजना गरि जानकारी दिइएको हो । क्रिकेट महोत्सव यहि डिसेम्बर ३० तारिखबाट शुरु हुनेछ ।
क्रिकेट महोत्सव मेलबर्न, सिड्नी, ब्रिसबेन र एड्लेडमा हुने पनि पत्रकार सम्मेलनमा जानकारी दिइयो । महोत्सब अक्टोबर ३० मा मेलबर्नमा, जनवरी ५ र ६ तारिखमा सिड्नीमा, जनवरी १० मा ब्रिसबेनमा तथा १२ तारिखमा एड्लेडमा हुनेछ। महोत्सवमा क्रिकेट खेलबारे अन्तरक्रिया तथा खेल गतिबिधि हुने पनि पत्रकार सम्मेलनमा जानकारी दिइयो ।
महोत्सबमा नेपालका राष्ट्रिय क्रिकेट टोलीका कप्तान पारस खड्का र दिपेन्द्रसिंह ऐरी सहभागी हुन अस्ट्रेलिया जाने छन् । त्यस्तै पुर्व यू-१९ टोलीका सदस्य सुवास प्रधान पनि महोत्सवमा सहभागी हुनेछन् ।
खेलाडीहरु सोमवारै अस्ट्रेलिया प्रस्थान गर्ने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया