नारी दिवस : महिला दर्शकलाई ए डिभिजन लिगका खेल हेर्न नि:शुल्क

काठमाडौं । आज ११३औं अन्तर्राष्ट्रिय नारी दिवस धुमधामका साथ मनाइदैँछ । अन्तराष्ट्रिय नारी दिवसका अवसरमा ए डिभिजन लिग खेल हेर्नका लागि महिला दर्शकलाई नि:शुल्क गरिएको छ ।

एमडीएसी स्पोर्टसले बुधबार हुने ए डिभिजन लिगको खेलहरु महिला दर्शकका लागि निशुल्क गरेको जनाएको छ । बुधबार च्यासल मैदान र दशरथ रंगशालामा हुने खेलहरु महिला दर्शकले नि:शुल्क खेल हेर्न सक्नेछन् ।

च्यासल मैदानमा दिउँसो साढे दुई बजे एपीएफ र सातदोबाटो र दशरथ रंगशालामा सोही समयमा पुलिस र हिमालयन शेर्पा भिड्नेछन् । साँझ साढे ५ बजे दशरथ रंगशालामा मनाङ र संकटाबीचको खेल हुँदैछ ।