कराँतेका मुकन्द्र महर्जनले जिते स्वर्ण

काठमाडौं । कराँते खेलाडी मुकन्द्र महर्जनले स्वर्ण पदक हात पारेका छन् । अस्ट्रेलियामा आयोजना भएको एनएसडब्लु स्टेट च्याम्पियनसिपमा मुकन्द्र महर्जनले ३५ देखि ४० वर्षको भेट्रान समूहमा स्वर्ण पदक हात पारेका हुन् ।

त्यस्तै, ७५ केजी सिनीयर कुमुतेमा मुकुन्दले स्वर्ण पदक जितेका छन् । ६० केजी तौल समूहमा मनिस थापाले स्वर्ण पदक जितेका छन् । ८४ केजी तौल समूहमा दिवस श्रेष्ठले रजत पदक जितेका छन् ।

राज कुमार रसाइलीले ६७ केजी तौल समूहमा कांस्य पदक जिते भने, सुजन श्रेष्ठले ६७ केजीमै कांस्य पदक जिते । राम तामाङले ८४ केजीमा कांस्य पदक जिते ।