काठमाडौं । नेपाली चलचित्र ‘जानी नजानी’को पहिलो गीत सार्वजनिक भएको छ ।
राजधानीमा एक कार्यक्रमको आयोजना गर्दै चलचित्र ‘जानी नजानी’को पहिलो गीत ‘एउटीलाई मुटुमा घर अर्कीलाई कलेजीमा….’ सार्वजनिक गरिएको हो ।
सार्वजनिक गीत अम्बिका शर्माले लेखेकी हुन् भने अर्जुन पोख्रेलले संगीत भरेका छन् ।
थुप्रै चलचित्रमा हिट संगीत दिएका अर्जुनले यस पटक भने गीत आफैँले गाएका छन् ।
सार्वजनिक गीतमा अर्जुन पोख्रेललाई गायनमा गायिका दुर्गा खरेलले साथ दिएकी छिन् भने गीतमा नायक मनिष श्रेष्ठ र कलाकार सुमी मोक्तानलाई फिचरिङ गरिएको छ ।
त्यस्तै गीतको भिडियोमा कविराज गहतराज, प्रविन सिंह र शिशिर खातीको कोरियोग्राफी छ ।
गीतको भिडियोमा चलचित्रकी नव–नायिका निरिशा बस्नेतको पनि अभिनय देख्न सकिन्छ ।
चलचित्रमा मनिष र निरिशाको साथमा सन्नी सिंह, नम्रता श्रेष्ठ, प्रकाश अधिकारी, कृष्णभक्त महर्जन, रोशनी केसीको अभिनय रहेका छन् ।
चलचित्रलाई बसन्त अधिकारीले निर्देशन गरेका हुन् भने कथा, पटकथा तथा संवाद सामिप्यराज तिमिल्सिनाको रहेको छ ।
चलचित्र ‘जानी नजानी’ले यूवापुस्ताको प्रेमको साथमा राष्ट्रियताको पनि वोध गराउने निर्माण पक्षले बताएको छ ।
चलचित्रमा अर्जुन जीसीको सम्पादन, बसन्तघर्ती मगरको भीएफएक्स छ ।
रोशनी इन्टरटेन्मेन्टको ब्यानरमा निर्माण भएको चलचित्रकी प्रस्तुतकर्ता रोशनी केसी हुन् ।
उक्त चलचित्रमा मोदनाथ खनाल र सागर काजीमालीको लगानी छ ।
यो खबर पढेर तपाईलाई कस्तो महसुस भयो ?
प्रतिक्रिया