हालाण्डको ५ गोलमा सिटी च्याम्पियन्स लिगको क्वाटरफाइनलमा

काठमाडौं । म्यानचेस्टर सिटी च्याम्पियन्स लिग फुटबलको क्वाटरफाइनलमा प्रवेश गरेको छ । राउण्ड अफ १६ अन्तर्गत मंगलबार राति भएको दोस्रो लेगमा आरबी लाइपजिगलाई ७-० गोल अन्तरले हराउँदै सिटी क्वाटरफाइनलमा प्रवेश गरेको हो ।

पहिलो लेगको खेल १-१ गोलको बराबरीमा सकिएको थियो । दोस्रो लेगमा फराकिलो जित निकालेको सिटीले समग्रमा ८-१ को जित निकाल्दै अन्तिम आठमा स्थान पक्का गरेको हो ।

सिटीलाई जित दिलाउन अर्लिङ हालाण्डले ५ गोल गरे । त्यस्तै, इल्के गुन्डोगान र केभिन डी ब्रुएनले समान एक एक गोल थपे ।