काठमाडौं । विश्वकप लिग २ अन्तरगतको अन्तिम खेल हेर्न प्रधानमन्त्री पुष्पकमल दाहाल प्रचण्ड कीर्तिपुरस्थित टियू क्रिकेट मैदान पुगेका छन् ।
प्रधानमन्त्री प्रचण्ड केहीबेरअघि नेपाल र युएईबीचको खेल हेर्न टियू क्रिकेट मैदान पुगेका हुन् ।
विश्वकप लिग २ अन्तरगतको अन्तिम खेल केही बेरपछि शुरु भएकोछ ।
नेपाली टिमको हौसला बढाउन प्रधानमन्त्री दाहाल मैदानमै उपस्थित भएको प्रधानमन्त्रीका प्रेस सल्लाहकार सूर्यकिरणले जानकारी दिए ।
कीर्तिपुरस्थित टियु क्रिकेट मैदानमा युएईले टस जितेर पहिले ब्याटिङ रोजेको छ । युएईले ब्याटिङ रोजे पछि नेपालले पहिले बलिङ गरिरहेको छ ।
यो समाचार तयार पार्दासम्म युएईले ११ ओभरमा १ विकेट गुमाएर ६७ रन जोडेको छ ।
तस्बिर : क्यान
यो खबर पढेर तपाईलाई कस्तो महसुस भयो ?
प्रतिक्रिया