मुख्य प्रशिक्षक भिन्सेन्जोको पारिश्रमिक कोरियाले दिने

काठमाडौं । दक्षिण कोरिया एफएले नेपाली राष्ट्रिय फुटबल टिमका नवनियुक्त मुख्य प्रशिक्षक भिन्सेन्जो अल्बर्टो एनीसको पारिश्रमिक उपलब्ध गराउने भएको छ ।

अखिल नेपाल फुटबल संघ (एन्फा) ले दक्षिण कोरिया फुटबल एसोसियसनसँग आर्थिक सहायतामा सम्झौता गरेको छ ।एन्फाका महासचिव किरण राई र कोरिया एफएका महासचिव हान्जिन चुनले सम्झौता पत्रमा हस्ताक्षर गरेका हुन् ।

रुवान्डामा आयोजना भएको फिफा कंग्रेस दौरान सम्झौता पत्रमा हस्ताक्षर भएको हो । प्रशिक्षक भिन्सेन्जोले एन्फासँग एक वर्षको सम्झौता गरेका छन् ।