शेयर बजार राताम्मे, नेप्से परिसुचक १८ अंकले घट्यो

काठमाडौं । साताको अन्तिम दिन नेप्से परिसूचक १८ दशमलव १५ अंकले गिरावट आएको छ ।

केही दिनयता घटेको बजार १ हजार ९ सय १५ दशमलव १४ बिन्दुमा बन्द भएको छ ।

यसअघि बुधबार पनि नेप्से परिसुचक १५ दशमलव ७६ अंकले घटेको थियो ।

आज विभिन्न कम्पनीको ४३ लाख ४० हजार २ सय ७० कित्ता सेयरको खरिदबिक्री हुँदा बजारमा १ अर्ब ४१ करोड ३१ लाख ७२ हजार ८०२ रुपैयाँ बराबरको कारोबार भएको नेप्सेले जनाएको छ ।

उपसमूहतर्फ रहने १३ वटै समूहको शेयर मूल्य घटेको छ । त्यस्तै, एनआईसी एशिया बैंकले २१ करोड ७४ लाख ६४ हजार ८६८ रुपैयाँ बराबरको कारोबारका साथ शीर्ष स्थान कायम गरेको छ ।