‘ए’ डिभिजन लिगमा आज दुई खेल हुँदै

काठमाडौं । जारी शहिद स्मारक ‘ए’ डिभिजन लिग फुटबल अन्तर्गत आज दुई खेल हुँदैछ । 

आज हुने पहिलो खेलमा सरस्वती युथ क्लबले च्यासल युथ क्लबको सामना गर्दैछ । सातदोबाटोस्थित एन्फा कम्प्लेक्सको मैदानमा दुवै क्लब जीतको खोजीमा हुनेछ । सरस्वती क्लब १० अंकसहित १० औँ स्थानमा छ । यता च्यासल क्लब १५ अंकसहित आठौं स्थानमा छ ।  

यता आजै हुने दोस्रो खेलमा  शसस्त्र प्रहरीको ‘एपिएफ’ क्लबले नेपाल पुलिस क्लबसँग भिड्दै छ ।

यो खेल हल्चोकस्थित एपिएफ मैदानमा साढे २ बजेपछि शुरु हुनेछ । उपाधि होडबाट बाहिरिसकेको दुवै क्लब जीत निकाल्ने लक्ष्यका साथ मैदानमा उत्रदैछ । १७ अंक बनाएको पिएफ सातौं स्थानमा तथा १८ अंक बनाएको पुलिस पाँचौ स्थानमा छ ।