माघ १५ देखि पोखरा कप हुने

पोखरा । आगामी माघ १५ गतेदेखि पोखरामा मनकामना केबल कार पोखरा कप फुटबल प्रतियोगिता हुने भएको छ । 

कास्की जिल्ला फुटबल संघको आयोजनामा सञ्चालनमा हुने यो प्रतियोगितामा १२ टिमको सहभागिता रहने मंगलवार पत्रकार सम्मेलनको आयोजना गरि जानकारी दिइयो । यो प्रतियोगिताको विजेताले नगद ७ लाख ५५ हजार तथा उपविजेता हुने क्लबले ४ लाख पाँच हजार रुपैयाँ प्राप्त गर्नेछ ।

त्यस्तै प्रतियोगिताको हरेक पाँच विधाको विजेता खेलाडीहरुले क्रमश २५ हजार रुपैयाँ पाउने छन् । प्रतियोगिताको मोस्ट भ्यालुएबल प्लेयर एक थान मोटरसाइकल हात पार्नेछन् ।

कास्की जिल्ला फुटबल संघको अध्यक्ष मिलन गुरुङका अनुसार एक जना पत्रकारलाई सम्मान गर्ने बताइएको छ ।