दयाहाङको ‘मिस्टर झोले’ ट्रेन्डिङ एकमा (फिल्मसहित)

काठमाडौं । दुई दिनअघि युट्युबमा रिलिज गरिएको दयाहाङ राई अभिनित फिल्म ‘मिस्टर झोले’ नेपालमा युट्युबको ट्रेन्डिङ एकमा पुगेको छ ।

फिल्म ‘कबड्डी’ निर्देशन गरेर एकाएक चर्चामा आएका रामबाबु गुरुङले निर्देशन गरेको डार्क कमेडी यो फिल्मले एक गाउँको कथा बोल्छ । फिल्ममा गाउँमा हुने सामान्य विषयलाई हास्य रसका माध्यमबाट प्रस्तुत गरिएको छ ।

दयाहाङ राई, दिया पुन, बुद्धि तामाङ, लक्ष्मी बर्देवा, वर्षा राउत, माओत्से गुरुङ, विजय बराल, प्रवीण खतिवडा लगायतका कलाकारको मुख्य भूमिका रहेको यो फिल्मलाई टेकेन खड्काले निर्माण गरेका हुन् । 

शैलेन्द्र डी. कार्कीको छायांकन रहेको यो फिल्मको कथा तथा पटकथा रामबाबु गुरुङले नै लेखेका हुन् ।

हलमा चलचित्रले औसत प्रतिक्रिया पाएको थियो भने तुलनात्मक रुपमा युट्युबमा धेरैले फिल्म मन पराएको प्रतिक्रिया दिएका छन् ।