यू–१७ महिला च्याम्पियनसिपमा नेपाल रसियासँग पराजित

काठमाडौँ । यू–१७ महिला च्याम्पियनसिप २०२३ मा नेपाल रसियासँग पराजित भएको छ । बंगलादेशमा जारी प्रतियोगितामा नेपाल रसियासँग ३–० गोलले पराजित भएको हो।

प्रतियोगितामा आयोजक बंगलादेशसहित भुटान, नेपाल, भारत र आमन्त्रितको रूपमा रसिया सहभागी छन्।
जसअनुसार आइतबारको तेस्रो खेलमा हारेसँगै नेपालले खेलेका तीन खेलमध्ये दुईमा हार बेहोरेको छ । पहिलो खेलमा नेपाल भारतसँग ४–१ ले पराजित भएको थियो ।

दोस्रो खेलमा भने नेपालले भुटानलाई ५–० गोलले हराएको थियो ।