होटलमासँगै बसेका युवकले गरे महिलाको हत्या

काठमाडौं । भारतको नोएडा सेक्टर ६३ कोतवाली इलाकाको चिजार्सीस्थित ओयो होटलमा महिलाको हत्या भएको छ । महिलाको हत्या भएको खबर बाहिरिएसँगै उक्त क्षेत्रमा सनसनी फैलिएको छ । घटनाको जानकारी पाएलगत्तै प्रहरीले अभियुक्तलाई पक्राउ गरेको छ ।

भारतीय सञ्चार माध्यमका अनुसार शुक्रबार राति आठ बजे दुवै होटलमा आएका थिए । दुवैबीच कुनै कुरालाई लिएर विवाद भएको अनुसन्धानबाट खुलेको छ ।

मृतक महिलाको टाउको र शरीरमा चोटका निशानहरू भेटिएका छन्। भारतीय प्रहरीले हाल अभियुक्तलाई पक्राउ गरेर आवश्यक अनुसन्धान गरिरहेको छ । शवलाई पोष्टमार्टमका लागि पठाइएको  छ ।