ला लिगा : सहज जितसँगै बार्सिलोनालाई शीर्ष स्थानमा १५ अंकको अग्रता

काठमाडौं । स्पेनिस ला लिगा फुटबलमा बार्सिलोनाले फराकिलो जित हात पारेको छ । शनिबार राति भएको खेलमा बार्सिलोनाले इल्चेलाई ४-० गोल अन्तरले पराजित गरेको हो ।

बार्सिलोनाको जितमा रोबर्ट लेवान्डोस्कीले दुई गोल गरे । त्यस्तै, अन्सु फाती र फेरान टोरेसले एक एक गोल गरे ।

बार्सिलोनाले २७ खेलमा ७१ अंक जोड्दै शीर्ष स्थानमा १५ अंकको अग्रता बनाएको छ । इल्चे १३ अंक जोडेर पुछारमा रहेको छ ।