प्रिमियर लिग : ७२ अंक जोड्दै आर्सनल शीर्ष स्थानमा कायमै

काठमाडौं । इंग्लिस प्रिमियर लिग फुटबलमा आर्सनलले सहज जित हात पारेको छ । शनिबार राति भएको खेलमा आर्सनलले लिड्स युनाईटेडलाई ४-१ गोल अन्तरले पराजित गरेको हो ।

आर्सनलको जितमा गाब्रियल जिससले दुई गोल गरे । बेन ह्वाइट र ग्रानिट जाकाले एक एक गोल गरे । लिड्सका रासमुस क्रिस्टेनसेनले एक गोल फर्काए ।

जितसँगै आर्सनलले २९ खेलमा ७२ अंक जोड्दै शीर्ष स्थानमा कायम रहेको छ । लिड्स २६ अंक जोडेर १७ औं स्थानमा रहेको छ ।