रोनाल्डोलाई ग्लोब सकरको अवार्ड

एजेन्सी । पोर्चुगलका स्टार स्ट्राइकर क्रिस्टियानो रोनाल्डोले ग्लोब सकर अवार्ड हात पारेका छन् । 

उनले सन् २०१८ को ग्लोब सकर अवार्ड अन्तर्गत उत्कृष्ट खेलाडी घोषित भएका हुन् । बिहीवार राति संयुक्त अरब इमिरेट्स ‘युएई’मा भएको एक भब्य समारोहकाबीच रोनाल्डोलाई यो अवार्ड प्रदान गरेका हुन् ।

अघिल्लो वर्ष गरेको प्रर्दशनको आधारमा युभेन्ट्सका स्ट्राइकर रोनाल्डोले ग्लोब सकर अवार्ड जितेका हुन् । साथै उनले सन् २०१८ मा नै उनले उत्कृष्ट गोलकर्ताको अवार्ड समेत हात पारे । रोनाल्डो स्पेनी क्लब रियल म्याड्रिडमा रहँदा युभेन्ट्सविरुद्ध च्याम्पियन्स लिगमा गरेको गोल उत्कृष्ट ठहरिएको थियो । 

यता फ्रान्सका डिडियर डेस्च्याम्प उत्कृष्ट प्रशिक्षक घोषित भए । उनको प्रशिक्षणमा फ्रान्सले विश्वकप फुटबलको उपाधि जितेको थियो । त्यस्तै स्पेनी क्लब एथ्लेटिको म्याड्रिड उत्कृष्ट क्लबको अवार्ड जिते ।