जितसँगै जावलाखेल शीर्ष स्थानमा उक्लियो

काठमाडौं । जावलाखेल युथ क्लबले जित हात पारेको छ ।

जितसँगै जावलाखेल सहिद स्मारक ‘ए’ डिभिजन लिग फुटबलको शीर्ष स्थानमा उक्लिएको छ । मंगलबार भएको खेलमा सातदोबाटो युथ क्लबलाई २-१ गोल अन्तरले हराउँदै जावलाखेल शीर्ष स्थान उक्लिएको हो ।

एन्फा कम्प्लेक्समा जावलाखेलको जितमा फोडे फोफाना र एनकोटो मोसाबीले एक एक गोल गरे । सातदोबाटोका दीपक सिंह ठकुरीले एक गोल फर्काए ।

जावलाखेलको यो चौंथो जित हो । सातदोबाटोको भने यो दोस्रो हार हो । जितसँगै जावलाखेलले ६ खेलमा १३ अंक जोडेको छ ।सातदोबाटो ६ खेलमा १२ अंक जोडेर दोस्रो स्थानमा झरेको छ ।