काठमाडौं । कराँते खेलाडी पर्शुराम बाँस्तोलालाई सम्मानित भएका छन् ।
स्वर्ण पदकधारी बाँस्तोलालाई कखरा प्रि स्कुल, लोकन्थलीले सम्मान गरेको हो। पर्शुरामलाई क्यानडामा भएको १९ औँ सातो कप अन्तर्राष्ट्रिय कराँते प्रतियोगितामा स्वर्ण तथा इन्डोनेसियामा भएको १५ औँ एशियाली प्यासिफिक सितोरियो कराँते च्याम्पियनसिपमा कास्य पदक जितेर अन्तर्राष्ट्रिय जगतमा नेपालको पहिचान अभिवृद्धि गर्न सहयोग पु-याएकोमा सम्मान गरिएको हो ।
पाँचौं, छैटौं र सातौं राष्ट्रिय खेलकुदअन्तर्गत एकल काताका स्वर्ण पदक विजेता समेत रहेका पर्शुरामलाई कखराका निर्देशक उमानाथ निरौला र प्रिन्सिपल निशा न्यौपानेले सम्मान पत्र प्रदान गरी सम्मान गरे ।
यो खबर पढेर तपाईलाई कस्तो महसुस भयो ?
प्रतिक्रिया