एजेन्सी । स्पेनिस ला लिगा फुटबल प्रतियोगिता अन्तर्गत रियल म्याड्रिड पराजित भएको छ ।
आइतवार राति सम्पन्न भएको खेलमा १८ औँ चरणको खेलमा रियल म्याड्रिड रियल सोसिडाटसँग २-० गोल अन्तरले पराजित भएको हो । खेल शुरु भएको तीन मिनेट पनि बित्न नपाउँदै सोसिडाटका लागि डा सिल्भाले पहिलो गोल गर्दै क्लबलाई शुरुवाती अग्रता दिलाए ।
प्रतिस्पर्धात्मक खेलको पहिलो हाफसम्म एक-शुन्य गोल अन्तरले अगाडि रहेको सोसिडाटले दोस्रो हाफमा थप एक गोल थप्यो । खेलको ८३ औँ मिनेटमा पार्डोले गोल गरे ।
निर्धारित समयसम्म रियल म्याड्रिडले केही गोल गर्ने मौका पाएपनि सदुपयोग भने गर्न सकेन र खेलमा हार बेहो-र्यो । हारका बाबजुत ३० अंकका साथ रियल म्याड्रिड लिगको पाँचौ स्थानमा छ । जितपछि २२ अंक बनाएको रियल सोसिडाट भने ११ औँ स्थानमा छ ।
त्यस्तै आइतवार राति नै भएको भिल्लारियल र इबोरबीचको खेल भने गोलरहित बराबरीमा सकिएको छ ।
यो खबर पढेर तपाईलाई कस्तो महसुस भयो ?
प्रतिक्रिया