काठमाडौं । इन्टर मिलान च्याम्पियन्स लिग फुटबलको सेमिफाइनलमा प्रवेश गरेको छ ।
बुधबार राति भएको क्वाटरफाइनलको दोस्रो लेगमा बेन्फिकासँग ३-३ गोलको बराबरी खेल्दै इन्टर समग्रमा ५-३ ले विजयी हुँदै सेमिफाइनलमा प्रवेश गरेको हो ।
इन्टरका लागि निकोलो बरेला, लाउटरो मार्टिनेज, जोआक्विन कोरेयाले एक एक गोल गरे । त्यस्तै, बेन्फिकाका एन्टोनियो सिल्भा, पिटर मुसा, फ्रेडरिक और्सनेसले एक एक गोल गरे ।
पहिलो लेगमा इन्टरले बेन्फिकालाई २-० ले हराएको थियो । सेमिफाइनलमा इन्टरले एसी मिलानसँग भिड्नेछ ।
यो खबर पढेर तपाईलाई कस्तो महसुस भयो ?
प्रतिक्रिया