एन्जर्सलाई पराजित गरेसँगै पीएसजी उपाधि नजिक

काठमाडौं । पेरिस सेन्ट जर्मेन (पीएसजी) ले जित हात पारेको छ । फ्रेन्च लिग वान फुटबलमा शीर्ष स्थानमा रहेको पीएसजीले शुक्रबार राति भएको खेलमा एन्जर्सलाई २-१ गोल अन्तरले पराजित गरेको हो ।

पीएसजीको जितमा केलियन एमबाप्पेले दुई गोल गरे । एन्जर्सका लागि साडा थिऔबले एक गोल फर्काए ।

पीएसजीले ३२ खेलमा ७५ अंक जोडेर पीएसजी उपाधि नजिक पुगेको छ । त्यस्तै, एन्जर्स १४ अंक जोडेर पुछारमा रहेको छ ।