ए डिभिजन लिगमा आज दुई खेल हुँदै

काठमाडौं । सहिद स्मारक ‘ए’ डिभिजन लिग फुटबलमा आज आइतबार दुई खेलहरु हुँदैछ। आज हुने दुई खेल मध्ये एक खेल दशरथ रंगशालामा हुनेछ भने अर्को खेल च्यासल मैदानमा हुनेछ ।

त्रिपुरेश्वरस्थित दशरथ रंगशालामा हुने खेलमा संकटा क्लब र थ्री स्टार क्लब भिड्ने छन् । संकटा र थ्री स्टारबीचको खेल साँझ ६ बजे शुरु हुनेछ ।

संकटा १० खेलमा १५ अंक जोडेर आठौं स्थानमा रहेको छ । त्यस्तै, थ्री स्टार १० खेलमा १८ अंक जोडेर तेस्रो स्थानमा रहेको छ ।

आजै च्यासल मैदानमा हुने अर्को खेलमा हिमालयन शेर्पा क्लब र रोयल ब्लु सातदोबाटो युथ क्लब भिड्नेछन् । । हिमालयन र सातदोबाटोबीचको खेल दिउँसो ३ बजे शुरु हुनेछ ।

हिमालयन १० खेलमा ९ अंक जोडेर १३ औं स्थानमा रहेको छ भने सातदोबाटो १० खेलमा १७ अंक जोडेर चौंथो स्थानमा रहेको छ ।