सञ्चारकर्मी विसीको ‘साई बाज’बजारमा

बैतडी । मोफसलका सञ्चारकर्मी लक्ष्मण विसीको ‘साई बाज’ बोलको पहिलो देउडा गीत बजारमा आएको छ ।

विसीकै शब्द रहेको गीतमा लोक देउडा गायक दीपक सङ्गम विसी र चर्चित गायिका अनु चौधरीको स्वर रहेको छ ।दीपक सङ्गम विसीको युटुब च्यानलमार्फत सार्वजनिक गरिएको उक्त देउडा गीतमा गायक विसीले नै सङ्गीत भरेका छन् भने एरेन्ज र मिक्सिङ्गोको काम पनि दीपक सङ्गमले गरेका छन्। निर्देशन तथा कोरियोग्राफी टेकेन्द्र शाहले गरेका यास गीतिभिडियोमा गायक सङ्गम विसी र सुस्मिता कुँवरको अभिनय रहेको छ ।

विसीले यस देउडा गीतमार्फत समाजको यथार्थ चित्रण गर्ने प्रयास गरेको बताए । रेडियो मेलौलीमा स्टेशन म्यानेजरको रुपमा कार्यरत उनले दर्जनौँ कविता, गजल र मुक्तक पनि लेखेका छन्।