नेपाल जित नजिक, यूएईविरुद्ध एक सय रन पूरा

काठमाडौं । एसीसी मेन्स प्रिमियर कपको फाइनलमा अहिले नेपाल र यूएई भिड्दै छन् । टियु मैदानमा जारी खेलमा यूएईले दिएको १ सय १८ रनको लक्ष्य पच्छ्याइरहेको नेपालले १०० रन बनाएको छ ।

२८ ओभरमा ३ विकेट गुमाएको नेपालले १०० रन बनाएको हाे । हाल गुलसन झा र भिम सार्की ब्याटिङ गरिरहेका छन् ।

यस खेलको विजेता एसिया कपको १६ औँ संस्करणमा छनोट हुनेछ । एसिया कपको १६ औँ संस्करण सेप्टेम्बरमा पाकिस्तानमा आयोजना हुँदै छ । एसिया कपमा ६ वटा एसियाली राष्ट्रले सहभागिता जनाउनेछन् ।

एसिया कपमा खेल्ने ६ मध्ये अफगानिस्तान, बंगलादेश, भारत, पाकिस्तान र श्रीलंकाको टुंगो लागिसकेको छ भने नेपाल र यूएईमध्ये एउटा टिमको छनोट यो खेलबाट हुनेछ ।