ह्वात्तै बढ्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा सुनको मूल्य प्रतितोला १ हजार ८०० रुपैयाँ बढेको छ ।

हिजो (मंगलबार) प्रतितोला छापावाला सुनको मूल्य १ लाख ८ हजार ८ सय रुपैयाँ रहेकोमा आज मूल्य वृद्धि भइ १ लाख १० हजार ६ सय रुपैयाँ कायम भइ कारोबार भइरहेको नेपाल सुनचाँदी व्यवसायी महासंघले जनाएको छ।

त्यस्तै तेजाबी सुनको मूल्य प्रतितोला १ लाख १० हजार ५० रुपैयाँमा कारोबार भइरहेको छ ।

आज चाँदीको मूल्य तोलामा २० रुपैयाँ बढेको छ । मंगलबार प्रतितोला चाँदीको मूल्य १ हजार ४ सय २५ रुपैयाँमा कारोबार भएको थियो ।