विराट कोहलीका १० लफडा

विराट कोहलीको टीम रोयल च्यालेन्जर्स बैङ्गलोर र लखनऊ सुपर जायन्ट्सबीचको सोमबारको खेल सकिएपछि क्रिकेट मैदानमा विवाद भयो । एक समयमा निकै आत्मिय रहेको विराट कोहली र गौतम गम्भीरको सम्बन्धमा एकपछि अर्को दरार आउने क्रम जारी रहेको छ । यही विवादमा थप घिउ थप्ने काम सोमबारको खेलमा भयो ।

सोमबार भएको के हो त ?

लखनऊको इनिङ्सको १६औँ ओभरपछि विराट र नवीन उल हकबीच विवाद भएको देखिन्छ। पिचमा उपस्थित अमित मिश्रा र अम्पायरले हस्तक्षेप गरेको देखिन्छ। विराटले अमित मिश्रा र अम्पायरलाई केही भन्दै गरेको देखिन्छ।

अर्को भिडिओ खेल सकिएपछिको हो। त्यसमा दुवै टोलीका खेलाडीहरू एकअर्कासँग हात मिलाउँदै गरेको देखिन्छन्।
दुवैले एकअर्कालाई केही भनिरहेको देखिन्छ। त्यसै क्रममा नवीनले विराटको हात झट्काउँछन्।

त्यहाँ म्याक्सवेलले हस्तक्षेप गरेको देखिन्छ। अर्को भिडिओमा विराट कोहली र केएल राहुल बाउन्ड्री लाइन नजिकै कुरा गरिहरेको देखिन्छ। नवीन नजिकैबाट गइरहेका हुन्छन्। केएल राहुलले उनलाई केही भन्छन् तर उनी उनको नजिक आउनुको सट्टा टाउको हल्लाएर अर्कोतर्फ जान्छन्।

सोमबारकाे यो विवादले सामाजिक सञ्जालमा निकै ठूलो स्थान पाएको छ । फ्यानहरू दुई पक्षमा विभाजित छन्। कोही फ्यान विराटको पक्षमा छन् भने कोही फ्यानले उनको कार्यको विरोध गरिरहेका छन् । तर, मैदानमा विराटको विवाद कुनै नौलो कुरा भने होइन । आज हामी कोहलीसँग सम्बन्धित विवादहरूको बारेमा चर्चा गर्नेछौँ :

१) विराट कोहली र मिचेल जोन्सनबीचको विवाद 

सन् २०१४ मा भारतको अष्ट्रेलिया भ्रमणको धेरै चर्चा भएको थियो । त्यतिबेला कोहलीलाई सचिन तेन्दुलकरको स्थानमा पठाइएको थियो । फ्यानहरू कोहलीले सचिनको अनुपस्थितिको पूर्ति भएको हेर्न चाहन्थे। यसअघि उनको इंग्ल्याण्ड भ्रमण निकै खराब रहेको थियो । तर, कोहलीले अष्ट्रेलियाविरुद्ध शानदार पुनरागमन गर्दै चार शतक बनाए । तर, शृंखलाको तेस्रो टेस्टमा उनको आक्रामकताले निकै चर्चा पायो । अष्ट्रेलियाका तिब्र गतिका बलर मिचेल जोन्सनले कोहलीको बलिङमा थ्रो प्रहार गरेका थिए । यसबाट कोहली खुसी थिएनन् । यसपछि दुवै पटक पटक आमनेसामने भएका थिए । उनीहरुबीच भनाभनसम्म हुन पुगेको थियो । त्यो खेलमा कोहलीले १६९ रनको शानदार इनिङ खेलेका थिए । अन्त्यमा जोनसनले कोहलीलाई प्याभिलियन पठाएका थिए ।

२) टिम पेनसँग कोहलीको झगडा

२०१८-१९ मा भारतको अष्ट्रेलिया भ्रमणमा कोहली र टिम पेनको झगडाको पनि निकै चर्चा भएको थियो । कोहली र पेनले टेस्ट शृंखलामा धेरै पटक आपसमा भिडन्त गरेका थिए। पेनले भनेका थिए कि कोहलीले खेलका क्रममा आफ्ना खेलाडीहरूलाई मैदान छोड्न गलत संकेत दिएका थिए। त्यसैले उनी आफ्ना खेलाडी कमजोर छैनन् भन्ने देखाउन चाहन्थे । यही कारण थियो कप्तान भएर पेनले कोहलीलाई जवाफ दिइरहेका थिए । चार खेलको टेष्ट सिरिजमा भारतले अष्ट्रेलियालाई २–१ ले हराएको थियो ।

३) फ्यानलाई देश छोड्न आग्रह

कोहलीसँग जोडिएको यो घटनाले निकै चर्चा पाएको थियो । वास्तवमा, एक फ्यानले भनेका थिए कि विराट कोहली धेरै ओभररेट गरिएको ब्याट्सम्यान हो। फ्यानले आफूलाई भारतीय खेलाडीभन्दा अष्ट्रेलिया र इंग्लिस खेलाडीको ब्याटिङ हेर्न मन पर्ने कुरा उल्लेख गरेका थिए । फ्यानको यो कुरा विराटलाई मन परेन । यसको जवाफ दिँदै कोहलीले भनेका थिए कि या त फ्यानले देश छाड्नु पर्छ वा आफ्नो प्राथमिकताहरू ठीक गर्नुपर्छ। कोहलीले भनेका थिए, ‘मलाई लाग्दैन कि तिमी भारतमा बस्नु पर्छ, तिमी अन्तै कतै गएर बस्नु पर्छ। किन हाम्रो देशमा बसेर अरु देशलाई माया गर्ने रु यदि तपाई मलाई मन पराउनुहुन्न भने मलाई कुनै आपत्ति छैन, तर मलाई लाग्दैन कि तपाई हाम्रो देशमा बस्नु पर्छ र अन्य चीजहरू मनपर्छ।

४) कोहली र अनुष्का बारे गावस्करको टिप्पणी

आईपीएल २०२० को समयमा, भारतका ब्याट्सम्यान सुनिल गावस्कर आफ्नो एक टिप्पणीका कारण विवादमा फसेका थिए। कोहली र अनुष्का कोरोनाको कारण लकडाउनको समयमा घरमा क्रिकेट खेल्दै देखिएका थिए। उक्त तस्बिरमा कोहली ब्याटिङ गरिरहेका थिए र अनुष्काले बल थ्रो गरिरहेकी थिइन् । त्यसको केही समयपछि आईपीएल २०२० शुरु भयो। लिगका क्रममा कोहली पञ्जाब किंग्सविरुद्ध एक रन बनाएर आउट भएका थिए । त्यसबेला गावस्कर कमेन्टरी गरिरहेका थिए, त्यसैले उनले लकडाउनको घटनालाई उद्धृत गर्दै अनुष्का(कोहलीमाथि मजाकमा बयान दिएका थिए । सामाजिक सञ्जाल प्रयोगकर्ताहरूले यो कथनलाई लिएर विवाद खडा गरे । यद्यपि, त्यसपछि धेरै दिनसम्म कोहली र गावस्करबीच कुनै कुराकानी भएन र आज पनि यी दुईबीच दरार छ ।

५) अनिल कुम्बलेसँग कोहलीको विवाद

अनिल कुम्बलेसँग विराट कोहलीको विवाद कसैबाट लुकेको छैन। २०१७ मा, कुम्ब टीम इन्डियाको मुख्य प्रशिक्षक थिए भने कोहली टीम इंडियाको कप्तान थिए। त्यसपछि कोहलीले कुम्बलेसँग खुसी नभएको भन्दै बीसीसीआईलाई धेरै इमेल पठाएको बताइएको छ । त्यसको केही समयपछि कुम्बलेले मुख्य प्रशिक्षकबाट राजीनामा दिएका थिए । उनले कोहलीसँग आफ्नो सम्बन्ध खास नभएको बताएका थिए ।

६) आईपीएलमा गम्भीरसँगको झगडा

कोहली र गम्भीरको झगडा नयाँ भने पक्कै होइन । दुवैको आईपीएल २०१३ मा पनि भिडन्त भएको थियो । त्यसपछि कोलकाता नाइट राइडर्स र रोयल च्यालेन्जर्स बैंग्लोरबीच खेल भएको थियो । त्यतिबेला गम्भीर केकेआरका कप्तान थिए । यो खेलमा कोहली आउट भएर प्याभिलियन फर्किंदै गर्दा दुवैबीच झगडा भएको थियो । तर, कोहली र गम्भीरलाई बाँकी खेलाडीहरूले टाढै राखे र कुरा अगाडि बढ्न पाएन ।

७) आईपीएलमा कोहलीको सूर्यकुमारसँग भिडन्त

आईपीएलमा कोहलीले गम्भीरसँग मात्र नभई सूर्यकुमार यादवसँग पनि टक्कर लिएका छन् । आईपीएल २०२० मा रोयल च्यालेन्जर्स बैंग्लोरका कप्तान रहेका कोहली फिल्डिङका क्रममा ब्याटिङ गरिरहेका मुम्बई इन्डियन्सका सूर्यकुमार यादवसँग भिडेका थिए। सूर्यकुमारले पछि खुलासा गरे कि त्यो खेलमा विराट कोहली स्लेजिङको शीर्ष स्तरमा थिए। त्यो खेलमा विराट कोहलीलाई स्लेज गरेपछि सूर्यकुमारले उनलाई हेरे । सूर्यको यो प्रतिक्रिया निकै चर्चाको विषय बनेको थियो । मानिसहरूले कोहलीको प्रतिक्रियाको आलोचना गरेका थिए । त्यो खेलमा स्लेजिङ गरे पनि सूर्यकुमारले मुम्बईलाई जिताए।

८) कोहलीको बीसीसीआई अध्यक्ष गांगुलीसँगको लफडा

२०२१ मा कोहलीलाई एकदिवसीय र टी–२० कप्तानबाट हटाएपछि बीसीसीआईका तत्कालीन अध्यक्ष सौरभ गांगुलीले एक मिडियासँगको कुराकानीमा भनेका थिए कि ओडीआई कप्तानी सम्हाल्नुअघि कोहलीसँग कुरा भएको थियो र उनको सहमतिपछि त्यो निर्णय भएको थियो । गांगुलीले भनेका थिए कि बीसीसीआईले विराटलाई टी(२० कप्तानबाट नछोड्न आग्रह गरेको थियो, तर विराटले मानेनन् र राजीनामा दिए। यससँगै सीमित ओभरको क्रिकेटमा दुई फरक कप्तान राख्ने निर्णय गर्नु परेको थियो । जुन कुरा धेरै रुचाइएको थिएन ।

९) पत्रकारसँग दुर्व्यवहार

२०१५ को एकदिवसीय विश्वकपमा विराट कोहलीले पत्रकारसँग दुर्व्यवहार गरेका थिए । उनी र उनकी पत्नी अनुष्का शर्माको बारेमा गलत लेख लेखेका भन्दै विराट पत्रकारमाथि खनिएका थिए । तर, आबेगमा आएर पत्रकारमाथि खनिएका विराटलाई पछि मात्रै थाहा भयो कि त्यो लेख उनले गाली गरेका पत्रकारले लेखेका थिएनन् । त्यसपछि कोहलीले पत्रकारसँग माफी पनि मागेका थिए ।