सुनको मूल्यमा नयाँ रेकर्ड, कतिमा कारोबार हुँदैछ ?

काठमाडौं । नेपाली बजारमा सुनको मूल्यले नयाँ रेकर्ड कायम गरेको छ ।

यसअघि चैत १२ गते प्रतितोला छापावाला सुनको मूल्य १ लाख ११ हजार कायम भइ नयाँ रेकर्ड बनाएको थियो ।

बिहीबार प्रतितोला छापावाला सुनको मूल्य १ लाख ११ हजार ८ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

आज तेजावी सुनको मूल्य १ लाख ११ हजार २ सय ५० रहेको छ । भने प्रतितोला चाँदीको मूल्य १ हजार ४ सय ४५ रहेको छ ।