मनाङसँग जावलाखेलको बराबरी

काठमाडौं । सहिद स्मारक ए डिभिजन लिग फुटबलमा जावलाखेल युथ क्लब बराबरीमा रोकिएको छ । आईतबार च्यासल मैदानमा भएको खेलमा जावलाखेलले मनाङ मस्र्याङ्दी क्लबसँग २–२ गोलको बराबरी खेल्दै अंक बाँडेको हो ।

जावलाखेलका लागि ३३ औं मिनेटमा एनकोटो मासोबी र ७५ औं मिनेटमा हिसुब थपलिया गोल गरेका थिए । मनाङका लागि खेलको ८० औं मिनेटमा विशन गुरुङ र खेलको अन्तिम मिनेटमा सुमित श्रेष्ठले गोल गरे ।

जावलाखेल ३१ अंक सहित तालिकाको शीर्ष स्थानमा छ । मनाङ २२ अंक सहित सातौं स्थानमा छ ।