१३ वर्षपछि इन्टर मिलान च्याम्पियन्स लिगको फाइनलमा

काठमाडौं । इन्टर मिलान च्याम्पियन्स लिग फुटबलको फाइनलमा प्रवेश गरेको छ । मंगलबार राति भएको सेमिफाइनलको दोस्रो लेगमा एसी मिलानलाई १-० ले हराउँदै इन्टर फाइनल पुगेको हो ।

पहिलो लेगमा इन्टरले २-० को जित निकालेको थियो । समग्रमा ३-० को जितसहित इन्टर फाइनल पुगेको हो । दोस्रो लेगमा इन्टरलाई जित दिलाउन लाउटरो मार्टिनेजले खेलको ७४ औं मिनेटमा निर्णायक गोल गरे ।

इन्टर १३ वर्षपछि च्याम्पियन्स लिगको फाइनलमा पुगेको हो। यस अघि इन्टरले २०१० मा च्याम्पियन्स लिगको फाइनल खेलेको थियो ।