ला लिगा फुटबलमा एथ्लेटिको म्याड्रिडको शानदार जित

एजेन्सी । स्पेनिस ला लिगा फुटबल अन्तर्गत एथ्लेटिको म्याड्रिडले सहज जीत हात पारेको छ । 

शनिवार राति सम्पन्न भएको खेलमा एथ्लेटिको म्याड्रिडले हुएस्कालाई ३-० गोल अन्तरले पराजित ग-यो । एथ्लेटिको म्याड्रिडको जितमा लुकास हर्नान्डेज, सान्टियागो एरिअस र कोकेले समान एक-एक गोल गरेका थिए । 

जितपछि म्याड्रिडले उपाधि होडमा रहेको बार्सिलोनासँगको अंक दुरी २ मा घटाएको छ । ४१ अंक बनाएको म्याड्रिड लिगको दोस्रो स्थानमा रहेको छ ।

४३ अंक बनाएको बार्सिलोना शिर्ष स्थानमा छ । शनिवार राति नै भएको अर्को खेलमा भ्यालेन्सियाले सेल्टा डि भिगोलाई २-१ गोल अन्तरले पराजित ग-यो ।