रियल सोसिडाडसँग बार्सिलोना पराजित

काठमाडौं । लिग लिडर बार्सिलोना पराजित भएको छ । स्पेनिस ला लिगा फुटबलमा शीर्ष स्थानमा रहेको बार्सिलोना रियल सोसिडाडसँग पराजित भएको हो ।

शनिबार राति भएको खेलमा ला लिगाको उपाधि जितिसकेको बार्सिलोनालाई सोसिडाडले २-१ गोल अन्तरले हराएको हो । खेलको पाँचौं मिनेटमा मिकेल मेरिनोले गोल गर्दै सोसिडाडलाई सुरुआती अग्रता दिलाएका थिए ।

खेलको ७२ औं मिनेटमा एलेक्सजेन्डर सोरिओथले गोल गर्दै सोसिडाडलाई २-० को अग्रता दिलाए । त्यसपछि खेलको ९० औं मिनेटमा रोबर्ट लेवान्डोस्कीले गोल गरेपनि बार्सिलोना २-१ ले पराजित भयो ।

बार्सिलोनाले ३५ खेलमा ८५ अंक जोडेको छ । सोसिडाड ६५ अंक जोडेर चौंथो स्थानमा रहेको छ ।