सिउरीटारलाई खुल्ला नकआउट फुटबलको उपाधि

गोरखा । सिउरीटारले १४ औँ खुल्ला नकआउट फुटबल प्रतियोगिताको उपाधि जितेको छ । 

गोरखाको फुजेलमा भएको फाइनल खेलमा सिउरीटारले आयोजक कौदी युवा क्लबलाई टाइब्रेकरमा पराजित गर्दै उपाधि जितेको हो । उपाधिसँगै सिउरीटारले ७० हजार रुपैयाँ पनि हात पारेको छ ।

यता उपविजेता बनेको कौदीले ३५ हजार रुपैयाँ प्राप्त ग-यो ।  विजेता टिमका खेलाडीहरुलाई राष्ट्रिय खेलकुद परिषद्का उपाध्यक्ष पिताम्बर तिम्सिनालगायतले एक कार्यक्रमबीच पुरस्कृत गरे ।

सो अवसरमा खेल मैदानका लागि जग्गा उपलब्ध गराउने जग्गादातालाई पनि उपाध्यक्ष तिम्सिनाले सम्मान गरेका थिए ।