काठमाडौं । नेपाली राष्ट्रिय क्रिकेट टोली आज ‘मंगलवार’ युएई प्रस्थान गर्दैछ ।
संयुक्त अरब इमिरेट्स ‘युएई’सँगको एकदिवसीय र टी-ट्वान्टी सिरिजका लागि नेपाली टोली आज युएई जान लागेको हो । खेलाडीसहितको टोली अपरान्ह साढे बजे फ्लाई दुबईबाट युएई प्रस्थान गर्दैछ ।
सिरिजका लागि पारस खड्काको कप्तानीमा १६ सदसीय नेपाली टोली त्यसतर्फ जान लागेका हुन् । युएईविरुद्धको सिरिजमा चार युवा खेलाडी समावेश गरिएको छ ।
सिनियर टोलीमा स्थान बनाएका खेलाडीहरुमा अविनाश बोहरा, भिम सार्की, पवन सर्राफ र सन्दीप जोरा रहेका छन् । यसपटक शरद भेषवाकर भने टिममा छैनन् । स्वास्थ्य अवस्था ठिक नभएका कारण शरदले प्रतियोगितामा सहभागि नहुने बताएका थिए ।
नेपालले युएईसँग तीन एकदिवसीय र तीन टी-ट्वान्टी क्रिकेट खेल्ने कार्यक्रम रहेको छ । पहिलो एक दिवसीय क्रिकेट माघ ११, १२ र १४ गते हुनेछ भने, माघ १७, १८ र २० मा टी-ट्वान्टी सिरिज खेल्नेछ ।
यो खबर पढेर तपाईलाई कस्तो महसुस भयो ?
प्रतिक्रिया