गर्भवती मृत्यु प्रकरण : पीडित र सिन्धुली अस्पतालबीच सहमति भएसँगै सेवा पुन: सुचारु

काठमाडौं । गर्भवतीको मृत्यु भएपछि सिन्धुली जिल्ला अस्पतालको बन्द रहेको सेवा पुन: सुचारु भएको छ । गर्भवतीको मृत्यु भएपछि घटनालाई लिएर आफन्त र स्थानीयले अस्पतालमा तोडफोड गरेका थिए ।

अस्पताल व्यवस्थापन, सरोकारवाला र पीडितपक्षबीच सहमति भएपछि तोडफोड भएका सामान मर्मत गरी सेवा सुचारु भएको हो ।

सहमति अनुसार घटनाको छानबिनका लागि समिति गठन गर्न प्रदेश स्वास्थ्य मन्त्रालयलाई अनुरोध गरिने भएको छ ।

कमलामाई नगरपालिका-५ की गंगा गुरूङ श्रेष्ठ  सिन्धुली अस्पताल आएकोमा त्यहाँबाट रिफर गरेपछि बर्दिबास लगिएको थियो । तर बर्दिबास लैजाने क्रममा श्रेष्ठकाे बाटाेमै मृत्यु भएको थियो ।