मिडफिल्डर बोटेङ बार्सिलोनामा आवद्ध

एजेन्सी । घानाका मिडफिल्डर केभिन प्रिन्स बोटेङ स्पेनी क्लब बार्सिलोनामा आवद्ध भएका छन् । 

जारी ला लिगाको उपाधि होडमा रहेको बार्सिलोनाले बोटेङलाई लोनमा अनुबन्ध गरेको हो । बोटेङ प्रारम्भिक सम्झौताअनुसार २०१९ सिजनभर बार्सिलोनामा नै रहने छन् । उनी इटालीको सासुओलोबाट बार्सिलोनामा आवद्ध भएका हुन् । त्यस्तै उनले स्पेनी क्लब लास पाल्मासबाट पनि खेल खेलेका थिए ।

साथै बोटेङले इटालियन क्लब एसि मिलान, जर्मनी क्लब साल्के, फ्र्याङकफर्ट र इंग्लिस क्लब टोट्नह्याम र पोटर््समाउथबाट खेल खेलिसकेका छन् । बोटेङले जारी सिजनमा १५ खेलमा ५ गोल गरिसकेका छन् ।